350 persona deteni na Rusia durante un manifestacion grandi

Autoridadnan na Rusia a aresta mas cu 350 persona cu tabata protesta riba caya den temperaturanan cu tabata bay na -50C pa exigi libertad di Alexei Navalny, lider di oposicion. Navalny, kende ta e enemigo di mas prominente di presidente Vladimir Putin a wordo deteni riba 17 di januari ora cu el a regresa Moscow desde Alemania, na unda el a keda pa cinco luna recuperando for di un veneno cu el a wordo duna cual e ta culpa e Kremlin.

Autoridadnan ta bisa cu el a viola leynan cu su estadia na Alemania den un caso criminal cu Navalny ta bisa ta ilegitimo. E mester aparece dilanti hues den februari pa determina si e lo mester bay sinta su castigo di prizon di 3 aña y mey.

FUENTE: AP NEWS

Comments

comments