Reino: Na Hulanda den area di Rotterdam Zuid, polisnan a reparti 30 multa na automobilistanan cu tabata den caravana di un casamento. E multanan tabata pa core auto iresponsabel y trece bida di hende den peliger, asina Polis di Rotterdam Zuid a publica riba nan pagina di Facebook.
Nan comportacion den trafico durante e caravana di casamento a trece e siguridad di otro automobilistanan segun polis den peliger. Nan tabata blokia diferente caminda, pasa den luz cora y pita sin tin mester, algun tabata sali for di bentana di auto y tabata tira klapchi.
Nan tabata staciona auto pafo di e liñanan, y algun a staciona riba acera pa peatonnan cana. Na tur e autonan a cera alrededor di 3000 euro na multa.