Diahuebs, pa mas of menos 1’or di merdia, Central ta dirigi patruya di Strandpolitie na un low rise hotel pa asina asisti personal di Warda nos Costa y Departamento di Labor. Eynan dicho departamentonan tabata bezig cu un accion di personanan ilegal trahando. Hopi di e portanan na e hotel bao di construccion tabata cera. Patruya a warda hunto cu e demas departamentonan riba personal di e hotel, kendenan a dicidi pa coopera y habri e portanan. Tabata tin mas of menos 30 persona cu a wordo hiba door di Warda nos Costa a base di ley di admision y expulsion. Central a wordo poni na altura.