Casi 30 persona desconoci cu arma di caliber a invadi y horta un sucursal di banco di Brasil na e centro di Criciuma, estado di Santa Catarina. Varios persona a keda manera rehen, asina a informa agencia estatal di noticia Agencia Brasil.
E personanan aki a cende un truck na candela dilanti polis pa asina blokia e salida di auto. E hefe di polis civil, responsabel cu investigacion, Ulisses Gabriel a señala cu e atraco a cuminsa prome cu mey anochi diamars, ora cu a cuminsa cu e tiramento contra polis.
Te cu awo, no tin un estimado di e cantidad di placa cu a ser horta. Nan a recupera un 150.000 dollar, cu a keda bandona na un luga y algun hende cerca a haya esaki. Gabriel a bisa cu 4 persona cu a haya cu placa den nan cas a keda deteni. Ainda e caso ta abou di investigacion.