Willemstad Curacao: Djadumingu 8 di mei 2022 alrededor di 05.56’or, Sentral di Polis a risibí informashon di un kaso di tiramentu ku a tuma lugá na un kas den Kaya Pachi Jan Bakhuis i kaminda un persona a keda seriamente heridá.
Djis un ratu despues Sentral a risibí informashon ku e víktima di e tiramentu ei a yega Sala di Emergensia den un vehíkulo partikular.
Prome Live Direct Media Curacao:
For di investigashon preliminar a sali na kla ku un pareha di nashonalidat Hamaikino tabatin un pleitu basta fuerte ku otro.
Durante di e pleitu aki, kaminda e hòmber lo a agredí e dama, un otro persona lo a lòs tirunan dirgí riba e hòmber ku a alkans’é mortalmente.
Despues di esaki esun ku a lòs e tirunan fatal, a kore bai for di e sítio.
E pareha aki mes a kore yega hospital den nan propio outo pa risibí tratamentu médiko. Alrededor di 06.35 dòkter a konstatá morto di e hòmber Duwayne O. Douglas, nase na Jamaica dia 12 di ougustus 1976.
Investigashon den e kaso aki ta kontinuá i ta supliká testigunan ku tin informashon di loke ku a sosodé na e kas aki na Kaya Pachi Jan Bakhuis, pa drenta den kontakto ku polis na 917 òf 108.
Detencion a cay:
Relashoná ku e kaso di asesinato ku a tuma lugá djadumingu dia 8 di mei 2022 den oranan di mainta, polis a hasi un detenshon.
Djadumingu 8 di mei 2022 alrededor di 16.40’or, riba insistensia di e personal di reshèrshi ku ta investigando e kaso, e hòmber sospechoso D.D.N. di 21 aña di edat nase na Jamaica, a entregá su mes na Warda di Reshèrshi.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.
