CARACAS, Venezuela – Director di e ONG, Foro Penal Venezolano, Gonzalo Himiob, a indica na NTN24, e detencion cu a tuma luga diahuebs di studiantenan na Venezuela y a bisa cu e grupo mas grandi ta di e Universidad Simon Bolivar, pero cu no solamente ta di e institucion eynan, “e grupo di Simon bolivar aparentemente lo ta di 16 studiante, pero en total di detenido lo ta por lo menos di 29 hoben, entre nan lo tin studiantenan di Universidad Central y Universidad Catolica Andres Bello.”
Ademas el a afirma “grupo mas grandi di e hobennan deteni aki ta den e sede di Sebin cu ta na El Helicoide, na Caracas, eynan tey abogado y activistanan di e Foro Penal Venezolano.”
“Lo unico cu nos tin confirma ta e identidad di 16 hoben, ningun hende por a wak, apesar di lo ilegal cue ta, nan no ta permiti cu ni famia ni abogado por mira e hobennan aki,” e director di e ONG a afirma.
“Ta importante recorda cu e detencion no solamente tin e obhetivo di uza poder hudicial, forsanan hudicial, fiscal y policial, como armanan di neutralisacion di disidencia, tambe tin un di dos finalidad cu ta pa inhibi esnan cu ta protesta, inculca miedo na esnan cu ta protesta. E tratonan aki no solamente ta limita na momento di detencion, sino tambe despues den e periodo cu nan ta permanece deteni, por lo menos prome cu nan wordo presenta dilanti tribunal, tambe den algun oportunidad ta presenta tratonan cruel, inhumano y degradante y hasta tortura,” Himiob a recalca.
Fuente: www.ntn24.com