Dialuna 17 di mei 2021 e Centro di Rescate y Cordinacion di Wardacosta a haya un yamada urgente di un famia. E famia a indica cu e tres piscadonan, cu ta nan familiar y nan boto no a regresa cas y cu nan lo ta perdi riba lama.
E tres piscadonan a sali cas cu nan boto White Fish pa bay pisca y no a regresa. E famia di e piscadonan a tuma contacto cu Wardacosta pa haci un buskeda y rescate urgente pa nan famia riba lama. Wardacosta den un operacion pa haya e piscadonan a coordina un buskeda di algun dia cu e helicopter, e avion Dash y un Metal Shark pa e buskeda y rescate di e piscadonan, pero no a logra haya nan.
E operacion di buskeda y rescate di e piscadonan a ser traslada pa autoridadnan di Colombia pa e motibo cu ta sospecha cu e piscadonan lo a drif bay den e area di search and rescue cu ta cay bou di responsabilidad di Colombia.
Autoridadnan di Colombia lo sigui cu e buskeda di e piscadonan y Wardacosta lo keda den contacto cu nan pa keda na altura di cualkier informacion of noticia di e piscadonan perde. Wardacosta ta desea e famia di e piscadonan hopi forsa.