Diabierna pasa di 4’or atardi Gobierno di Aruba a yama un conferencia di prensa, presente tabata Minister Xiomara Maduro, Minister Dangui Oduber y CEO di ATA sra Ronella Croes.
Minister di Cultura sra Xiomara Maduro a splica manera nos tur sa cu e pandemia aki a dal nos tur duro y parti di nos cultura.
Gobierno di Aruba por medio di e ministerio di Cultura ta organisa un parada nacional di luz, e ta un evento publico. Pensando ariba e gruponan di musico cu durante pandemia a wordo afecta y lamentablemente no tabatin un pochi pa yudanan manera a yuda tur otro den nos sociedad y pa dos aña largo carnaval no por a tuma luga y e ta un cultura di nos pais y tambe pa e turismo cu ta gosa di nos carnaval a tuma e decision pa organisa un parada nacional di luz, dia 26 di februari.
Minister Xiomara Maduro a bisa e parada lo ta di e bandera di nos pais Aruba, e colornan di nos bandera. Esaki ta un momento pa tur hende haya bini hunto pa celebra cu otro, nos tur a keda getouch di e pandemia aki.
Esaki ta bin di fondo cu ATA tin aloca pa temporada di Carnaval hunto cu Gobierno cu ta pone 100.000 florin y Gobierno a pidi pa otro Nvnan tambe pa sali yuda.
Musiconan por subi caya, gruponan di Carnaval por prepara pa carnaval 2023, nos tur ta orguyuso di e carnaval y e efecto pa turismo y comercio. Un parada of mas parada un carnaval completo Aruba completo ta keda beneficia di dje.