E argentino Lionel Messi, di kende ta capitan di Barcelona y Argentina a gana e premio “ Fifa The Best “ como e miho hungado di e ultimo temporada, despues di a conkista La Liga y a anota 51 gol den 50 partido.
Messi a logra triunfo dilanti di e portugues, Cristiano Ronaldo di Juventus y e defensor hulandes Virgin van Dijk di Liverpool den un gala celebra den e historico teatro na Milan.
E la risibi e prome premio “ The Best “ for di man di e Presidente di FIFA cu ta e suiso Gianni Infantino pa asina substitui e croata di Real Madrid Luka Modric, di kende a gana esaki na 2018.
“ Prome mi ke gradici na tur esun nan cu a dicidi reconocemento aki mester a bay pa ami. E berdad ta cu ami ta pensa cu premionan individual ta secundario, pa ami prome ta bini esun nan colectivo”, segun Lionel Messi despues di ricibi e galardon.
E argentino tambe a expresa su alegria pa comparti un momento cu su famia y su señora Antonella Roccuzzo y dos di su tres yiunan homber. Tabata e prome biaha cu nan tur tabata hunto na e premio y cu e la gana e tambe.