Directora di Biblioteca Nacional, Sra. Astrid Britten ta mustra cu naturalmente ta finaliza año 2018 pero ya e miranan ta riba 2019. Manera ta conoci dia 11 di December ultimo tabatin e soft opening di biblioteca na Sanicolas y por spera, manera por yame, e relaunch oficial den 2019. Tambe Aruba lo ta sede di e conferencia di ACURIL, cu ta e asociacion di bibliotecanan den Caribe. Esaki lo tuma lugar for di 2 pa 6 di Juli 2019.
Y tambe nos ta para keto cu dia 20 di Augustus 2019 lo celebra 70 aña di e trabao di biblioteca na Aruba. Pues tres desaroyo importante cu lo bay tuma luga den 2019.
Pa finalisa Sra. Astrid Britten, directora di Biblioteca Nacional, kier a desea tur usarionan, comunidad di Aruba en general pa haci uso di e facilidadnan di Biblioteca Nacional unda bo por bin y adkiri conocemento y e ta poni completamente na disposicion di un y tur.