Alrededor di 20 persona a perder Nan vida y mas di un dozijn di perona a resulta herida despues di un tiroteo cu a keda registra den un sucursal di Walmart na El Pao, Texas. E gobernado di e estado, Greg Abbott a declara cu hopi hende cu mester ta cu nos awe a perde nan bida. En total 26 persona a keda herida segun polis di El Paso a duna di conoce. E edad di e personanan cu a fayece ta varia y akinan por papia di un situacion cu ta “horibel”. Un homber color blanco di 21 aña di e condado di Allen, un suburbio di Dallas cu ta keda na mas cu mil Kilometer di distancia, ta deteni como sospechoso di a haci e masacre aki, segun polis a informa. Polis ta sospecha fuertemente cu e caso aki tin vinculo cu crimen di odio. E agente Emmerson Buie di FBI di El Paso a bisa cu mester haci mas investigacion si kier papia di un posibel delito di odio, pero no ta descarta e posibilidad aki. Medionan di comunicacion a indica cu e sospechoso deteni tin nomber di Patrick Crusius di apenas 21 aña di edad. Y investigadonan ta mirando un mensahe cu e sospechoso a pone riba Twitter algun dia pasa cu por duna indicacion di e motibo di e masacre aki.