KANSAS CITY, Merca – Mayornan di Caleb, kende aña pasa a fayece den un accidente den un parke di dibersion Mericano, a haya un compensacion di casi 20 miyon dollar. E mucha homber a wordo decapita durante cu e tabata bahando den e slide.
E suma ta e resultado di e areglo entre e famia di Caleb y e companianan cu ta envolvi cu e parke acuatico y e slide, segun The Kansas City Star.
E famia di e hobencito ainda no a reacciona riba e compensacion di daño. Anteriormente nan a bisa cu nan lo percura pa haci tur posibel pa otro famia no sufri loke nan a sufri.
Un vocero di Schlitterbahn Waterpark na Kansas City a laga sa: “Famia Schwab semer ta den nos pensamento. Nos ta gradicido cu nos por a cera un acuerdo entre tur partido. Asina cu corte duna nos permiso, nos lo retira e waterslide for di nos parke.”
Slide mas grandi na mundo
E accidente a sosode riba e Verruckt slide, cu ta mas of menos 50 meter di haltura y pesey e ta para den e Guinness Book of Records. Segun bishitantenan di e parke, e fahanan di siguridad di e mucha homber a los, ora cu un di e caritonan a bin abao. Su ruman homber Nathan, di 12 aña, tabata testigo di e desgracia.
Slide cera
Su mama Michelle y su tata Scott Schwab, un diputado di e Democratanan na Kansas City, a conta aña pasa nan storia. Mama Michelle a conta con despues di e accidente, con el a scucha Nathan grita den panico. “El a bula for di e slide! El a bula for di e Slide!”
Desde e accidente riba dia 7 di Augustus aña pasa, e waterslide den e parke a keda cera.
Fuente: RTL Nieuws