Acne ta sosode ora cu e foliculo, cu ta encarga di conecta e glandulanan sebaceo cu e porionan ta plug. Hopi hende ta considera cu e enfermedad di cuero aki, ta afecta unicamente e adolescentenan pero no sa cu 20% di e adultonan ta haya nan mes perhudica pa e problema aki, caminda cu 12% di e afectadonan ta hende muhe.
Acne por manifesta riba e cuero di persona pa distinto factor. Esakinan ta:
Hormoon. E actividad hormonal ta un di e principal causanan di acne, ta pa esey, cu den e etapa di pubertad ta comun cu e adolescentenan ta e brote riba e cutis, lomba, nek, entre otro.
Stimulacion di e glandula sebaceo. Otro factornan influente ta e glandula sebaceo, esaki ta encarga di produci vet, ora esaki ta altera, e por plug e poreonan trayendo como consecuencia e brote di cutis.
Infeccion bacteriano. Ora cu e microbio Propionibacterium acnes ta concentra den cantidadnan grandi, ta kibra e ekilibrio di e flora bacteriano normal produciendo un infeccion den e porio trayendo como consecuencia procesonan inflamatorio y infeccioso.
Trastorno di e keratinisacion. Segun e dermatologo Carolina Cohen, colaborador di e marca La Roche-Posay, e keratina ‘ta un proteina rico den sulfur, cu ta constitui e parti fundamental di e capanan mas externo di e epideermis, cabey y huña. Ora cu ta produci trastorno den e proceso di keratinisacion, e poreonan di e cuero ta yega na obstrui y inflama.”
Ta existi tambe distinto trastorno cu ta faborece e aparicion di e patologia aki manera stress, genetica y alimentacion. Di otro banda, e infeccionnan bacteriano y e consumo di algun remedi por produci acne. Den e caso di hende muhe, embaraco, menstruacion y sobreexposicion na solo por ta causante di e problema aki, debi na e alteracion di hormoon y vet.
Dependiendo di e causa, ta existi distinto tipo di acne. E clasificacion aki ta coresponde na e acne comedogenico cu ta produci e lesion primario y e acne inflamatorio, cu di su banda, ta wordo categorisa segun su severidad den: leve, modera y severo.
E importancia di su clasificacion ta radica den e conducta y tratamento cu e dermatologo mester tuma pa resolve e condicion,” Cohen ta splica.
Den e sentido aki, Cohen ta recomenda cu, a sabiendas di su severidad, pa trata acne comedonico y inflamatorio, di leve pa modera, por wordo uza tratamentonan topico a base di crema of gel, specialmente crea cu e fin di yuda pa tin un cutis liber di imperfeccion.
Fuente: www.eluniversal.com