Diadomingo anochi laat pa dialuna marduga kustwacht a detecta un boto den awa teritorial di Aruba. A bay cerca di esaki y tabata un tugboat cu e nomber ‘GRACIA’ cu e bandera di Samoa. Den Paardenbaai a capta e tugboat aki y a trece na Waf di Oranjestad. Aki un team special di Kustwacht, Douane, Arumil, KPA, y K9Unit y Departamento narcotica, Justitie y BOT k9 a tene e control. Un total di 2200 kilo di droga a keda captura. A logra haya mas pakete durante e control y durante test a constata cu ta cocaina. E cinco sospechosonan di nacionalidad Venezolano a keda deteni.