Ray-anne Hernandes di UNOCA Aruba durante un entrevista a bisa cu dia 18 di mei ta dia mundial di celebra dia di museo. Na aña 1977 a keda declara como e dia internacional di museo y pa promove y concientisa comunidad rond di mundo di museonan pa tanto cultura, educacion, ciensia y na Aruba tambe nos ta celebra esaki. Apenas awor aki na Aruba ultimo añanan nos ta poniendo atencion riba e dia importante aki.
Riba e dia aki lo tin diferente partner den playa cu a dicidi di cera cabes y organisa un celebracion grandi. Foi 10’or di mainta te cu 3’or di atardi ta bay tin varios actividad den diferente museo y galerianan y instancianan di herencia aki na Aruba.
Pa cu e celebracion aki den Playa, ta bay tin cooperacion cu AruTram cu lo ta coriendo durante e horario di mainta y e hendenan por yega ne sitio cu ta riba e ruta di AruTram, mochila creativo, checkpoint color habri cu diferente actividad, museo historico Arubano fortzoutman unda por subi e toren y lo tin exposicion. Biblioteca Nacional ta bay tin exposicion den nan sala.
Archivo nacional cu su exposicion di segundo guera mundial y tambe un exposicion di Elmar su 75 aña di existencia. Den edificio di Bon Bini bazaar tambe lo tin un exposicion di historia di sclavitud. Den Visstraat unda museo archeologico ta situa tambe tin diferente exposicion.
