Peru- Dialuna 9 januari 2023, e hulandes Joran van der Sloot, cu tabata envolvi den e famoso caso nan di Natalee Holloway y Stephany Flores a haya un sentencia mas for di hues pa traficacion di droga. Joran tabata den e prizon cu number di “Julaica” y lo tabata ricibi e droga for di famia di un persona cu ta cera den prizon hunto cune y Joran mes tabata bende e dicho droga cu otro prizoneronan.
Na banda di ta parti di importa droga den prizon e tabata exporta e droganan aki for di prizon y manda nan na cas di clientenan den exterior. Despues cu guardia nan a haya sa na ki manera Joran ta importa y exporta droga for di prizon nan a transferi Joran pa un otro prizon cu ta mas estricto na control y cu hendenan mas peligroso esta prizon di “Challapalca”. Pa e caso di droga aki Joran a ricibi un sentencia di 18 aña mas ariba di e sentencia di 28 aña cu e ta sintando pa e crimen di a asesina Stephanie Flores na aña 2010.