HELIONGJIANG, China – Autoridadnan Chines a confirma dialuna, fayecimento di 17 persona cu a keda atrapa den un mina di carbon noordoost di e pais, diahuebs ultimo, den e ultimo accidente di e sector aki.
E ekiponan di rescate cu a wordo desplasa na e luga di suceso, den e provincia norteño di Heliongjiang, a haya e curpanan sin bida di e mineronan tras varios dia di labor, e agencia oficial Xinhua a informa awe.
E trahadonan a keda atrapa despues cu un kabel di e lift a cende candela, provocando su caida.
Polis a detene dos welderdo, kendenan a keda acusa di “viola gravemente e normativa di siguridad laboral,” mientras cu e gestor di e mina, di cual no a specifica e nomber, a wordo suspendi di su trabao.
E minanan Chines ta registra cada aña decenas di accidente cu a costa bida di miles di persona, aunke cu Gobierno t sigura cu a logra reduci e cantidad di morto anual den e sector di rond di 7000 na 2002 (e pio aña pa China pa e cantidad di victima) pa 171 den 2015.
Fuente: http://www.la-razon.com