Durante un conferencia di prensa na Centro di Bario Dakota e presidente actual Carlmichael Bikker a duna di conoce cu nan ta bezig cu proyectonan y actividad cu lo tuma luga den luna di december, pa asina e organisacion por haya fondo y sigui drecha y construi e centro di bario Dakota.
16 di december ta bay tuma luga un christmas bazaar, nochi di pasco dilanti e parkeerplaats di e centro di bario Dakota cuminsando 5’or atardi termina 10’or anochi. Lo bay tin diferente stand di cuminda, artesenia y articulonan di pasco. Lo bay tin musica di gruponan local y grupo di Betico tambe lo ta presente e anochi aki. E fondonan ta bay pa recauda pa sigui mantene y reconstrui e club completo di e centro di bario.
17 di december lo ta e fiesta tipico di bario paden di centro di bario Dakota, lo tin musica for di 5’or atardi cu e ambiente unico y diferente grupo di cahi orgel, aguinaldo y lo cera e anochi cu e grupo azucar. Y e anochi lo conoce dos baluarte di e bario. Lo cobra un contribucion di 5 florin pa e grupo.
