CARACAS, Venezuela – Jose Gregorio Hernandez a nace na Isnotu, un pueblo chikito den e estado di Trujillo aña 1864. Henter su infancia el a keda den e comunidad chikito y humilde aki, su tata tabata doño di un tienda, su mama tabata dedica na trabaonan di cs. E tabata descendiente directo di e Cardinal Francisco Jimenez, pa e rason aki tabata un famia hopi devoto.
Incluso hasta despues di morto di su mama na 1872, Jose Gregorio Hernandez a mantene firme den su convicionnan cu solamente 8 aña, ora cu ya e tabata tin bon cla e balornan moral y religioso inculca door di su mama.
Jose Gregorio tabata tin e firma deseo di studia ley y tabata su tata kende a convence pa e ta medicina.. Desde e momento ey a nace su deseo pa yuda su prohimo. Na 1878 e ta bay for di Isnotu rumbo pa e capital.
Eynan e ta cuminsa cu su estudionan na e colegio di Villegas, un di e centronan cu mayor prestigio di e epoca eynan, e director tabata e reconocido dr. Guillermo Tell Villegas. Ora cu el a culmina cu su educacion basico, e ta cuminsa cu su carera di medicina na Universidad Central di Venezuela cu solamente 17 aña. Destaca pa ta un studiante aplica y di bon conducta, semper a sobresali for di e resto di su compañeronan den e 6 añanan cu el a sigui e carera, culminando cu honor dia 28 di Juni 1888.
E mester a duna lesnan particular pa por yuda su rumannan y na momento di culmina su carera, dr. Dominici, rector di Universidad Central e tempo ey, a ofrec’e yud’e economicamente pa e por bin habri su propio oficina.
Na November 1889, el a sali rumbo Europa pa sigui cu su formacion academico, teniendo e fortuna di studia den e laboratorionan di Charles Robert Richet, kende a gana posteriormente e premio Nobel di Medicina na 1913.
Dies aña despues, despues di su regreso na Venezuela, el a wordo nombra profesor di e catedra di Anatomia Patolofico cu tabata ubica den un anexo na e laboratorio di Hospital Vargas na Caracas.
Dr. Jose Gregorio Hernandez ta considera e precursos di e docencia cientifico na Venezuela, danki na tur loke el a siña a lo largo di su carera. Un di e logronan mas significtivo na nivel cientifico tabata di a duna na conoce e teoria celular di Virchow.
Su labor di docente a wordo stroba den algun ocasion. E prome biaha tabata na momento cu el a dicidi drenta e monasterio di e orden di San Bruno, na Cartuja de Farneta pa bira un religioso y e ultimo tabata den e periodo dictatorial di General Juan Vicente Gomez cu a decreta e ciere di e Universidad.
Na 1917 el a biaha pa e ciudadnan di New York y Madrid pa sigui cu su crecemento profesional, lagando a cargo di su catedranan na dokter Domingo Luciani.
Dia 30 di Januari 1918 el a bin bek Venezuela y cinco luna despues, dia 29 di Juni, el a wordo gedal pa un auto den e skina di Amadores den La pastora, curiosamente, tabata e unico auto cu tabata e tempo ey den e ciudad di Caracas.
Su restonan a wordo dera den e iglesia di la Virgen de la Candelaria ubica den e mesun parokia aki. Pa tur loke dr. Jose Gregorio Hernandez ta representa, hopi fiel ta pidi’e fabor y a atribuy’e milager.
E proceso di beatificacion a wordo lidera pa e arzobispo di Caracas, monseigneur Lucas Guillermo Castillo dilanti Santa Sede kende a presenta e casonan na Vaticano. Tras su postulacion, Jose Gregorio Hernandez ta wordo nombra “venerable” pa e mesun papa Juan Pablo II dia 16 di Januari 1986 y ta cumins e proximo paso cu lo hib’e pa e beatificacion.
Fuente: El Universal