ISTAMBUL, Turkia – Un alto funcionario Turco a confirma na reporteronan cu 15 persona a muri y 69 a resulta herida door di explosionnan registra e anochi di diasabra na Istambul. Previamente, e presidente Turco Erdogan a bisa cu “nos tin hopi ciudadano herida y martir, desafortunadamente” durante un mensahe televisa na CNN Turk.
Antes, e minister di Interior, Suleyman Soylu, a bisa cu tabata tin 20 herido.
Un di e dos explosionnan, cu a sosode den e parke Macka, a wordo considera oficialmente como obra di un atacante suicida, Soylu a bisa, cita pa e agencia oficial Anadolu. E otro a keda registra cerca di e stadion Besiktas Vodafone Arena.
“E autobom” tabata origen di e explosionnan, di acuerdo cu e agencia di noticia Turco TRT, cu a cita e Ministerio di Interior.
Mas tempran, e ekiponan Besiktas y Bursaspor di e liga Turco, a enfrenta den e stadion. E stadion ta keda cerca di e plaza Taksim, un di e districtonan turistico principal di e ciudad Turco.
TRT a bisa cu e explosionnan tabata tin como blanco polis. No obstante, ningun grupo a asumi responsabilidad pa e atake.
Turkia a supera un serie di atentadonan terorista durante e ultimo aña, ya cu ta enfrenta menasanan tanto di ISIS como di milicia Kurdo.
E pais, ademas, ta recuperando di un sangriento, aunke fayido, intento di golpi militar perpetra na Juli.
Fuente: CNN en Español