Kimberly de Cuba di Telefon pa Hubentud Aruba 131 a informa cu tur aña April ta busca voluntario nobo y asina luna di Mei ta cuminsa cu e personal. E voluntario ta mentor debi ora cu bo bira boluntario cerca nos di 131 bo ta pasa un training di 10 anochi y ta haya 36 module, con ta hiba un combersacion na telefon, con ta hiba combersacion via chat, personanan cu deprecion, droga, amistad y of relacion cu mayor. Nos ta busca hende cu tin e energia y motivacion cu tin e interes pa traha y scucha mucha y hoben y no ta pidi ningun background debi cu e training mes ta capacita e persona.
131 ta conoci cu nos ta scucha mucha y hoben, antes tabata solamente Aruba, e ultimo tres aña aki no ta duna asistencia pe islanan, Boneiro, Statia y Saba. E boluntario ta duna dos ora pa siman, debi cu e horario cu nos ta brinda ta di 2’or pa 6’or atardi. E cantidad di contacto den su totalidad, unda antes tabata 9 mil contacto den ultimo aña despues di e covid esaki ta subiendo 11 pa 13 mil contacto, y aki ta duna di conoce cu hobennan mester di atencion. Antes tabata haya prank call pero awor aki no, awor aki ta caso serio y combersacion.
Den bandi di hoben cu ta ser duna ta e parti di salud mental y e ta birando cada biaha mas un challange, y e inciedad, y tin un lista di espera largo y e sintomanan ta molestianan basicamente, e mayornan ta pasa hopi ora pafo di cas caminda e mucha y of hoben no tin supervision y hopi mucha tin demasiado libertad y no tin un adulto pa guia e muchanan den bon caminda.
