Tierra del Sol: smiles, apoyo, y un award banquet a marca e final di e dia
ya cu Arion Wine Company, Wente Vineyards & Papiamento Golf Tournament a
conclui e actividadnan diasabra atardi despues di un dia yena cu wega cu a
cuminsa pa exactamente 12:30pm.
E participantenan a disfruta di un lunch delicioso prepara pa Papiamento
Restaurant combina cu boternan friu di biñanan di Wente Vineyards mientras
nan tabata riba e golf course.
Durante bahada di solo, rond di e pool cu bista pa California Lighthouse, e
award banquet di Tierra del Sol a anuncia e ganadornan di e competencia:
Jose Luis Camara y Chris Nedd na prome lugar, Hunt Riley y Evan Haime na di
dos lugar y Pierre Rafini y Greg Martis na di tres lugar.
Eric Wente, presidente di e directiva di Wente Vineyards, e bodega familiar
mas antiguo y cu operacion continuo di California, funda na 1883, tabata
presente pa presenta e ganadornan cu nan premionan y a gradici e
participantenan y patrocinadornan pa nan dedicacion y generosidad pa 16 aña
consecutivo.
Mientras e hungadornan tabata disfruta di un buffet di sopi y sandwich,
Govert van der Hout, Arion Wine Company y e Director of Golf, James Kiley di
Tierra del Sol a yuda entrega e premionan na e tres set di ganadornan y
tambe na esunnan cu a yega mas cerca di pin na #3, #7, #13, #15 y #17,
William v / Ramshorst, Gian Pietersz, Orland Rasmijn, Dante Leandi y Hunt
Riley.
Arion Wine Company ta organisa e torneo akinan anualmente cu participacion
activo di Eric Wente, como host di e torneo di golf. Hunto cu Papiamento
Restaurant y famia Ellis, e partners ta presenta un evento di varios nivel
den transcurso di un weekend tur april.
Danki na e patrocinadornan generoso di e torneo: AIB Bank N.V., ASD,
Complete Logistics, Robertson Fire Protection, Nagico Aruba NV, Aruba
Airport Authority, Cold Well Bankers, BENU Pharmacy, Aruba Climate Control,
Garage Cordia, Aruba Bank, Plus Accountants, Optica Oduber and Kan, Sixt Car
Rental, H&H Fine Wines & Spirits, Fofoti Tours and Transfers, Kooyman,
Curtain Call, Setar, FMSA, Tribike.