LOS TAQUES, Falcon – Destacamento di Vigilancia Costera number 13 di Guardia Nacional Bolivariano a propina un golpi duro na contrabanda di extraccion desde e peninsula di Paraguana cu captura di 11 persona cu residencia na Las Piedras y Los Taques, kendenan kier a saca for di e pais, via maritima dos ton y mey di tomati, un ton di material strategico manera 2200 liter di combustibel.
\]E proceder militar a wordo efectua un miya, aproximadamente di e sector La Macolla, municipio Los Taques. E detenidonnan a aborda dos embarcacion; e prome ta un boto chikito di nomber “Florinda”, caminda cu nan tabata tin 100 macutu di tomati, un tanki di metal pa e deposito di gasolina di 800 liter y container di 60 liter, pa un total di 1100 liter di combustibel, y tabata wordo dirigi pa dos motor di marca Seanovo y otro motor Yamaha.
Mientras tanto, den otro embarcacion di nomber di La Caribeña, tabata tin otro seis ciudadano di 21, 26, 29, 37, 41 y 42 aña di edad, tur residencia den e sector Los Taquez, municipio Los Taquez, cualnan tabata transporta 1000 kilo di e presunto material strategico (brons y nikel), ademas di otro 1100 liter di gasolin deposita den un tanki di metal y varios otro container.
Di acuerdo na e informacion aporta pa autoridadnan militar maritimo, ta presumi cu dicho mercancia lo wordo traslada pa Aruba, evadiendo controlnan fiscal y douanero. Fiscalia XXIII di e Ministerio Publico ta maneha e caso.
Fuente: cactus24.com.ve