Internacional: Dia di e persona Soltero ta wordo celebra 11 di november. E fecha aki a wordo estableci originalmente na China na Universidad di Nankin desde aña 1993. E fecha aki ta conoci tambe como 11/11 y ta un fecha cu ta busca pa baha e nivelnan di stress den e sociedad China unda cu matrimonio ta un paso hopi importante, principalmente serca e ser masculino. Di 1993 pa awor e dia aki a pasa pa henter mundo cu ta pone atencion ariba e nificacion di e celebracion. E fecha aki tin como meta pa celebra e “orguyo” di ta soltero y awor a bira un di e celebracionnan mas importante den comercio online.
Ta hopi negoshi ta probecha di e fecha aki pa pone campañanan di benta hopi atractivo pa cual de Dia di Soltero a comberti su mes den Dia Mundial di Shopping. Na China, ariba e dia aki e bentanan online tambe pa mira con nan ganashinan ta hopi mas cu normal, pues e ta wordo considera manera un Black Friday chines.