Fiscal di Alemania, diesun hende homber Aleman a keda acusa di pertenece na un organisacion terorista extremo pa motibo cu tabata plania atake mortal contra musulman pa crea disturbio y eventualmente derota gobierno Aleman.
E fiscal federal a bisa cu 8 hende homber, lidera pa Werner S. y Tony E. a forma organisacion Grupo S durante na un reunion na September di 2019. Otro tres hende homber a keda acusa di uni na e grupo y un sospechoso a keda acusa di sostene na e grupo.
Otro 7 di e sospechoso tambe a confronta cargo pa violacion di arma na e corte estatal di Stuttgart. Segun fiscal a bisa cu e grupo kier a ‘scop estado y orden social’ di Alemania pa eventualmente laga e gobierno cay. E grupo a conspira pa provoca condicion similar na un guera civil. Atacando meskita, matando of herida e mayor number di musulman.
E grupo tambe a considera e uso fuerte contra opositor politico, asina fiscal a bisa. Trahado di fiscal ta bisa cu e organisacion a uni varios biaha na luga priva pa discuti nan plan y cu Werner S. a train nan con pa usa arma di candela. E reunion tabata keda coordina via aplicacion di chat y telefon.