WASHINGTON, D.C., Merca- President Obama a adverti su sucesor ariba e peliger pa nombra Michael Flynn como Consehero di Siguridad. Flynn a perde su trabao na momento cu el a gaña tocante e contactonan cu Rusia.
Segun AP, e preocupacionnan relaciona cu Flynn den e circulonan mas halto di gobierno tabata conoci, mescos cu e advertencia cu Obama a duna Trump personalmente, durante un reunion na White House cu su sucesor na 2016.
Flynn mester a retira ora cu a bira conoci cu el a gaña tocante e contactonan cu e tabata tin cu e Embahada Ruso relaciona cu kitamento di sancionnan. President Trump a kit’e for di su puesto ora cu su mentiranan a cuminsa aparece den medianan Mericano.
E siman aki ainda Trump tabata manda tweet cu Flynn tabata den servicio di Obama ora cu el a haya e revision di siguridad di mas halto. El a lubida di menciona cu Flynn a wordo kita for di trabao tambe door di Obama na 2014.
E confrontacion ta bin ariba e mesun dia cu Procurador General Sally Yates ta testigua den Parlamento. El a expresa su preocupacion riba e contactonan entre Flynn y Rusia.
Fuente: RTLNieuws