E barco staciona den e area di Caribe, Zr.Ms. Zeeland, un biaha mas ta nabegando pa asina cumpli cu su mision. Despues di un periodo di 12 dia na e base Parera na Corsou, caminda cu a haci un reparacion exitoso na e estribor di e main diesel, e barco un biaha mas ta cla pa cumpli cu patruyanan den cooperacion cu Warda Costa.
Despues cu Zr. Ms. Zeeland a crusa Oceano Atlantico ariba su motornan electrico, e back up di e navigacion principal di diesel, e barco mester a haci inspeccionnan riguroso y tambe reparacionnan mester a wordo haci ariba e propulsion principal. E reparacionnan no a wordo haci door di e tripulacion so, pero tambe door di Directie Materiële Instandhouding for di Den Helder, completamente segun ‘lean manning’ di e concepto di negoshi di e ‘Oceangoing Patrol Vessel’ (OPV).
Tambe nan a haya ayudo di e base na Parera y e departamento di Retencion di Material di e area di Caribe. E colaboracion aki ta mustra e caracter explorador di Marina Real y cual a conduci cu e barco un biaha mas ta utilizabel y cu e patruyahenan por continua. Durante un periodo di mantencion na Corsou, e port di e hoofdvaartdiesel tambe lo haya su reparacionnan necesario.
E tarea principal di Zr. Ms. Zeeland ta e mantencion di ley, caminda piscamento ilegal, contrabando humano y transporte di droga ta prohibi, como tambe e asina yama operacionnan di ‘Search and Rescue’ ariba lama. Tambe ayudo humanitario den caso di un pasada di horcan ta un di e tareanan principal di e barco marino aki den area di Caribe.