E Dash-9, e avion di patruyahe di Warda Costa di Caribe Hulandes. riba e anochi di 29 di october a detecta un ‘go fast’ sospechoso, noordoost di Bonaire. E barco di marina Real, Zr. Ms. Zeeland, cu ya caba tabata di regreso pa Hulanda, despues di a cumpli cu su termino den Caribe, a ricibi e mensahe di e Centro di Coordinacion y Rescate (RCC) di Warda Costa di Caribe Hulandes na Corsou, riba e embarcacion sospechoso.
Pa es motibo ey tambe, Zeeland a cambia di rumbo y na e sitio ta topa cu un go-fast cu tres persona abordo. Di biaha Zr. Ms. Zeeland ta pone tanto e helicopter NH-90 y ambos interceptor den funcion. E helicopter ta lansa tironan di advertencia riba e ‘go-fast’ pa asina forsa nan pa nan para. Pero e tres personanan abordo ta lansa nan carga den lama. Na ultimo ta logra di para e ‘go-fast’, door di e tira ariba e motor . Durante un accion di buskeda a bin encontra un total di diesdos paki di presuntamente cocaina, cu a wordo tira na lama pa e ocupantenan di e ‘go-fast’.
E tripulacion di e ‘go-fast’ a wordo deteni y e pakinan di droga a wordo tuma den beslag. Loke a resta di e ‘go-fast’ no tabata tin balor mas, pa cual a bay over na zink esaki. Despues die esey e Zr. Ms. Zeeland a bay Corsou pa entrega tanto e sospechosonan como e pakinan di droga na autoridadnan local. Zr. Ms. Zeeland a sigui su curso rumbo Hulanda bek despues di e sucedido aki.