Yordano ta pidi su fanaticonan yudansa economico pa paga su tratamento medico

0

NEW YORK, Merca- Yordano Di Marzo diaranson a pidi su fanaticonan y coleganan yudansa economico pa e gastonan di su tratamento medico.

Den un video publica ariba su cuenta di Instagram, e artista Venezolano a splica cu e no por cubri e gastonan di tratamento, pa cual e ta busca un apoyo financiero a traves di un pagina GoFundMe, crea pa e Red Democratico Internacional, y Fuera de Caja, dos asociacion Venezolano sin fin di lucro. Na final di Januari 2014, Yordano a wordo diagnostico cu cancer di medula. Na Augustus 2014, durante un entrevista na CNN en Español, e cantautor a bisa cu el a cuminsa cu e tratamento na Februari. Na 2015 el a ricibi un transplante di medula.

Recientemente Yordano a combersa cu e podcast Zona Pop di CNN en Español tocante su nominacion na Grammy Latino, su proyectonan y su estado di salud. E cantante a bisa cu e ta bon, pero cu ainda e mester haci control medico.

“Ta un proceso largo. SI no ta obstaculo na caminda, e tratamento ta di seis aña. Mi tin casi tres”, e cantante a bisa.

Riba e tratamento na cual e ta wordo someti, Yordano a splica cu “ta manera un reprogramacion di celnan materno. Ami tabata bendiciona y e suerte, cu e donante, un persona desconoci, tabata casi mi morocho, e tabata 100% compatibel, pero semper tin un risico di rechaso y e tratamento ta pa esey”, el a comenta.

E cantante a bisa cu despues di tres aña di tratamento, awo e ta enfrenta un efecto secundario relaciona cu e transplante.

Segun e pagina di GoFundMe, “e sistema inmunologico di Yordano ta comprometi y solamente un tratamento costoso por dun’e e fortalesa necesario”.

E cantante a aclaria cu door di limitacionnan di trabao y fisico, e no tin e recursonan necesario pa paga e tratamento y ta p’esey el a acudi na su siguidonan, pa “sigui padilanti”.

Fuente: http://cnnespanol.cnn.com

LEAVE A REPLY

Please enter your comment!
Please enter your name here