YMCA tin plannan pa ampliacion, ya cu tin un demanda grandi pa tin mas actividad pa muchanan di parti di YMCA. Directora di YMCA, Sra. Rachel Croes ta amplia mas ariba esaki.
Un di e plannan cu YMCA tin ta pa un ampliacion di nan locacion, pero esaki no ta un plan a corto plazo. Plannan cu nan tin a corto plazo ta pa parti interno di YMCA, ta pa reinforsa nan proyectonan mas, tambe amplia nan actividadnan. Pero sigur e lo ta un opcion ariba largi plazo.
Sra. Croes a splica cu YMCA ta trahando hunto cu Parlamento Hubenil, cu Instituto Pedagogico Arubano (IPA) ariba diferente tereno. Dus YMCA ta traha hopi en conhunto cu otro institutonan. Segun Sra. Croes, no mester traha individual, pero si traha en conhunto y e ta bayendo bon. Pero pa plannan a largo plazo ta pa amplia, traha hunto cu otro organisacionnan sigur ta un punto positivo.
Mantencion di e edificio sigur ta trece su gastonan, mester tene cuenta cu e edificio, e coriente, merdia ta bira calor dus ta cende e airco, e awa ta hunga un rol tambe. Tur esakinan ta gastonan cu mester tene cuenta cun’e pa cual YMCA ta haci nan recaudacion di fondo pa esaki, segun Sra. Rachel Croes, directora di YMCA.