YMCA Aruba youthsport ,hobennan di basketball y volleyball lo tene un Koffie Morgen Dia 18 di maart cu varios actividad pa asina recauda fondo pa logra bay un wega amistoso na Corsou. E dia aki, e propio hobennan, encabesa pa e staf dinamico di YMCA, lo percura pa un i pa asina tur persente por disfruta y na mes momento contribui na nos jovenan en particular.
E programa pa e dia aki ta lo siguiente:
Di 9′or di mainta pa 12or di merdia lo tin e koffie morgen, cual ta costa solamente Afl. 5 pa ticket y lo tin nan benta un variedad di snacks y cos di bebe.
For di 10or pa 11or di mainta lo tin un sesion di ehercicio “Hit Fit” cu Carol Alders. Participacion ta costa Afl. 10 pa persona y durante e ora ey YMCA ta percura pa cuida e muchanan tanten cu e mayornan ta participa na e actividad aki.
Pa 11′or lo cuminsa un torneo di basketball “3 on 3″, unda cu tur hoben, for di 10 aña di edad por participa. E prijsnan pa participacion ta lo siguiente: 10 pa 12 aña, Afl. 10 pa team; 13 pa 15 aña y 16 pa 18 anja, Afl. 15 pa team y di 19 pariba Afl. 30 pa team.
Tambe, lo tin oportunidad pa tur esnan cu ta interesa pa bende algo tuma un mesa pa esaki. Reserva bo mesa awe mes, yama YMCA San Nicolas na telefon 5845303 of YMCA Dakota na telefon 5823072 pa mas informacion y reservacion.
Ban duna nos hobennan un man pa asina nan keda motiva den e area di deporte!
END
TOCANTE YMCA

YMCA Aruba a wordo funda 56 aña pasa pa Bob Steele, kende a wak un necesidad pa bin cu un lugar pa hobennan pa evita cu nan lo ta ariba caya. Cu e lema “Without a cent, but with hope and prayer”, un grupo di persona a cuminsa cu e organisacion cual y na 1958 a logra inaugura su prome edificio na Aruba. YMCA tin como meta pa crea personanan util y abil den nos comunidad pa medio di brinda guia y motivacion, pa asina nan ta un influencia positivo ariba nan contemporaneonan. YMCA Aruba a expande su programanan pa inclui programanan pa henter famia tambe, na añanan setenta. Golden Agers, cual ta cumpli 50 aña e aña ki y Y’s Man a hunga un rol importante den e programanan, creando fondo pa inverti den YMCA.
YMCA ta ofrece diferente actividadnan manera campamento pa mucha y hoben, recreacion deportivo manera p.e. volleyball y basketball y otro deporte, como tambe eventonan social.
YMCA a cuminsa cu e prome “tra’i merdia” na Aruba, yama Y’s Care (YMCA Care) 23 aña pasa.