E cadaver sin intestino ni wowo di un hende muhe, cu presuntamente a muri den ritualnan Satanico, a wordo haya den e district di Vinchos, den e departamento Peruano di Ayacucho, den centrosur di e pais.
Ta trata di Teodora Quispe Cayllahua, di 74 aña, cu presuntamente a wordo asesina pa su yiunan, Aurelia Condori Quispe, den compania di Perci Condori y Marcelina Quispe, segun e corant Jornada.
E hecho teribel aki a tuma luga na Andabamba-Paccha, den e distrito di Vinchos. Un di su yiunan a saca su tripanan cu despues a wordo haya den un canal di e zona. Posteriormente el a confesa na polis cu el a comete e crimen ya cu e victim lo a “bay haya yiu di Satanas”, America Noticias a informa.
Aurelia Condori supuestamente a dirigi e ritual y a ofrece su mama como “ofrenda” cu e creencia di cu despues e lo resucita. Segun Ojo, e muhe lo a bisa di tabata posei na momento di comete e crimen.
Polis a pasa trabao pa realisa e captura door di cu e zona ta un zona di dificil acceso den e zona rural. Aurelia Condori a afirma cu el a mata su mama door cu esaki tabata “e mandato di e ‘hefe supremo’” y cu despues el a baña cu su sanger.
E autornan di e crimen a wordo hiba pa un warda di polis unda cu nan a keda deteni. E cadaver a wordo hiba pa un Instituto di Medicina Legal di Ayacucho, pa haci autopsia.