E hoben, di 24 aña, wordo haya cu’n tiro den cabes y un mensahe di crimen organisa.
Alexis Betancourt, yiu di e magistrado di e Tribunal Electoral Estatal di Guerrero, Jose Ines Betancourt, a wordo asesina den e zona urbano di e ciudad di Chilpancingo, Mexico.
E cadever di e hoben di 24 aña, a wordo haya diasabra ultimo cu’n tiro den cabes, realisa pa supuesto sicarionan cu a laga un mensahe na e luga unda cu e curpa a wordo haya. E curpa tabata presenta signonan di tortura.
E mensahe a wordo firma pa e Comando del Panico y Cartel del Sur.
Algun hora despues, sicarionan a difundi un video unda cu e yiu di e magistrado tabata aparece compaña di hombernan arma. Den e grabacion, Betancourt a afirma di ta pertenece na un banda di ladron di auto cu ta opera na Chilpancingo, encabesa pa bandanan rival.
Fuente: RT