TEGUCIGALPA, Honduras- E banco di desaroyo Hulandes (Financieringsmaatschappij voor Ontwikkelingslanden NV ) tabata sa di episodionan di violencia relaciona cu e construccion di e dijk Agua Zarca, di e riu Gualcarque, prome di e firma e contrato. P’esey nos ta considera nan responsabel di e morto di mi mama. Pa negligencia”. Asina Berta Isabel Zúñiga Caceres, yiu di Berta Caceres, e activista Hondureño asesina na 2016, e demanda cu ta na punto di entama contra di e entidad bancario. Berta Isabel lo ta bayendo di gira door di Europa pa reforsa un pleito funda dne e “falta di respet pa e derechonan humano di e comunidad indigeno. Y tambe e negligencia di a ignora e avisonan di mi mama”. E demanda escrito ta cla, solamenta falta algun detaye legal y ta spera di entrega e demanda pronto.
E Banco Hulandes di Desaroyo (FMO na Hulandes), e Banco Finlandes di Desaroyo y e Banco Centroamericano di Integracion Economico, a acorda na 2014 cu e firma Hondureño Desaroyo Energetico (DESA), pa financia e construccion y gestion di e central hidroelectrico. Na 2016, e prome a anuncia cu e lo suspende su actividadnan “preocupa pa e violencia continuo na Honduras”. Diahuebs, FMO a publica un comunicado riba su pagina web, mustrando su respet y simpatia pa Berta Caceres, un defensor di Derechonan Humano, cual morto ta un tragedia”. E nota tambe ta haci un yamada na e autoridadnan Hondureño “pa nan trece dilanti husticia tur esunnan responsabel di un crimen asina teribel”. Y e ta conclui señalando su compromiso den e “construccion di un mundo miho a trabes di yudansa na empresarionan, tin biaha den e circumstancianan mas dificil, nos ta respeta profundamente e Derechonan Humano den tur nos proyectonan”.
E yiu di e activista fayeci ta mustra cu e palabranan ta yega laat. “Nos ta akinan caba, awo nan ta bisa algo. Pero despues di e morto di mi mama, nan ta tarda un aña den bisa algo. Y nan lo a haci despues di cu tabata tin presion internacional pa locual a pasa”. Den e demanda Hulandes, ta participa tambe e Conseho Civio di Organisacionnan Popular y Indigenanan di Honduras (COPINH). Un grupo activista funda pa e mesun Caceres.
E dij di Agua Zarca ta un proyecto hidrolectrico a lo largo di e riu Gualcarque, un luga sagrado pa e cultura lenca. Berta Caceres a lidera e oposicion na e obranan durante un decada y el a logra pa e constructor Chines Sinohydro a bandona e proyecto. E contratacion a pasa pa man di DESA. Caceres a wordo tira mata pa un grupo di homber arma cu a ataca su cas na La Esperanza, cerca di Tegucigalpa. Dia 3 di maart ultimo, polis a detene Roberto David Castillo Mejía. E tabata presidente di e compania na momento di e crimen y ministerio publico ta consdiera cu “ta e responsabel di a contrata un di e presunto autornan material di e crimen”. Entre e resto di sospechosonan ta figura empleadoann di e mesun DESA, miembronan di ehercito y sicarionan.
Pensando cu estado Hondureño lo por haci e investigacion dificil, e famia di Caceres y Copinh a forma, hunto cu varios organisacionnan internacional, e Grupo Asesor Internacional di Personanan Experto (GAIPE).
Su informe ta conclui den e planificacion, ehecucion y encubrimento di e asesinato, varios trahado di estado, entre polis, militarnan y funcionarionan, incluyendo empleadonan di DESA. Pa e Asociacion Hondureño di Energia Renovabel, sin embargo, e motivo di e crimen lo por ta ecnomico: nan tabata en busca di e 170 mil dollar ricibi cu e premio Goldman di Medio Ambiente, cual a wordo ricibi door di Caceres na 2015. Berta Isabel, cu a pasa Bruselas, lo sigui hunto cu e colaboradornan pa Suisa, Spaña y Alemania.
Fuente:https://www.msn.com