Awe mainta ya ta na porta di waf di Barcadera sperando e containernan cu durante fin di siman a yega nos isla. Ta un cantidad di mas of menos 21 container cu ta suppose di yega. Segun Rubin Ponson di DOW tin cu haya e lista pa wak e cantidad di exacto pa cuminsa saca nan y transporta esakinan pa tereno di wela.
Ponson a splica cu segun e lista oficial di cual a yega, no a yega ainda. For di eynan ta bay transporta nan pa wela y despues pa cuminsa cu trabaonan di habri nan y cuminsa cu e controlnan di kico a bin y si mester den e caso aki test algun di nan cu ta desconoci, cual tambe lo bay wordo haci.
Si ta bon tur container cu a yega durante fin di siman mester por sali awe. Segun e maneho cu DOW tin, e container no por keda mas cu 24 ora riba tereno di waf. Ta haciendo tur lo posibel pa purba di saca esakinan mas lihe posibel y hiba nan pa wela.
Tin biaha e transporte ta sali lihe. Tin di compronde awor aki cu ta for di mainta eynan, pero tin un tiki problema cu e documentonan segun Ponson. Ta spera cu esey por wordo regla, cu por sacanan ainda pa awe.