Dia 18 di Maart tin workshops creativo den Cosecha su Creative Center na San Nicolas. Cu oportunidad pa traha artesania y arte, Cosecha kier celebra hunto cu publico nos dia di Himno y Bandera.
Ban colga nos bandera den cunucu. E prome workshop ta di e artesana Natalia Koolman. Durante di e workshop aki e participante lo traha su cas di cunucu cu e material di driftwood y di otro material recicla. Lo verf tambe un par di piesa y pa finalisa e piesa e participante lo pone su bandera di Aruba den cunucu. E orario di e workshop aki ta di 10.00am – 11.00am y e edad pa participa ta di 8 aña bay ariba. E prijs ta 20,00 florin incluyendo material y refreshment.
Aruba su bandera y su paisaje ta bunita. E di dos worshop ta di e pintor Erika Moran. Bou di guia di Erika nos lo pinta e bandera di Aruba cu un paisahe riba e background. Lo usa verf di arcylic durante e workshop aki. E orario di e worskhop ta di 1 or di merdia pa 2 or di merdia. E edad pa participa ta di 10 aña bay ariba. E prijs ta 25,00 florin incluyendo material y refreshment.
Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na [email protected].
Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.