Esunnan cu ta bay biaha, ta bon pa ta prepara unda ta bay y si mester busca vacuna, busca esaki. Sr. Gino Goeloe, director di Wit Gele Kruis ta splica.
Hopi hende ta lubida cu ora di bay lama, bo ta hunga wega, pero tur ta lubida di bebe awa. Pa dia un persona mester bebe 8 glas di awa pa dia. Juice ta dushi, segun Sr. Goeloe, pero ta bon pa baha man na esaki. Ora di bebe juice, pone mita glas di juice y mita di awa. Sucu ta dunabo hopi mas sed, segun Sr. Goeloe. No tin nada mas saludabel pa bebe awa.
Pero pa esunnan cu ta bay den exterior, si bo ta bayendo un pais, cu tin malesanan contagioso, lo bo mester bay Dienst Besmettelijke Ziektes (DBZ), pa busca bo vacuna. Na Dienst Volks Gezondheidsdienst, nan tin un mapa, unda cu tin tur e paisnan cu ta paisnan cu bo tin cu haya un vacuna, prome cu bo bay eynan. Por ehempel, na Surinam, vooral si bo ta bay den e parti di oerwoud, lo bo mester haya un vacuna. Tin vacuna ta bin den forma di pildo, y den forma di hangua.
Malesanan contagioso ta peligroso tanto pa esun cu a wordo contagia, como tambe pa e comunidad, ya cu e biahero ta bin cu e malesa y e ta importa e malesa aki pa nos isla. Sr. Goeloe ta haci un apelacion pa tur biahero, pa si mester bay tuma un vacuna, prome cu biaha. Proteha bo mes, proteha bo pais, Aruba.