Despues di hopi aña cu Wit Gele Kruis a bin ta bisa riba casonan di embaraso hubenil ta serio na Aruba, caminda cu for di aña 2001 a cera cabes cu diferente fundacion pa trata e tema aki segun Gino Goeloe, direcotr di Wit Gele Kruis, a splica.
Monique Giel a cuminsa constata cu e cifranan di mamanan hoben tabata alarmante. Na 2000, e tabata 179 mama hoben cu e edad ta varia entre 11 y 19 aña. Den e trayectoria aki tabata tin un mucha di 12 aña cu a sali na estado, cual ta cosnan alarmante. Den e caso aki, pesey a uni cabes cu otro fundacionnan cu e tempo ey na 2001 a acerca fundacion Casa Cuna y ATHA, pa bin cu un comision cu a yama Sembra. Desde 2001 pa awo, e comision ta consisti di 14 entidad y fundacion entre nan FAVI, Guiami, Telefon pa Hubentud, Sociale Zaken, Voogdijraad, entre otro, cu tin di haber cu un mama hoben cu a sinta y a bin cu diferente programa den tur e trayectoria di e añanan aki. Mester menciona un paar di e puntonan cu a bin cun’e tabata Carousel di e scolnan. Tambe tabata tin un expo y despues a bin cu algun obra teatral, tambe riba e parti di mama hoben, cu tabata exitoso. Tambe delaster a bay riba e parti I Love My Body, cu Famia Planea a sigui cune. Asina aki por sigui menciona cu hopi cos positivo a pasa den tur e añanan, pero toch ta keda falta algo unda cu a bisa semper cu material mester yega scol y pesey Wit Gele Kruis a cuminsa na 2013 cu un congreso di cinco dia na Cas di Cultura, unda cu a invita diferente orador di Hulanda, di Corsou y tambe di Boneiro, pa wak kico nan ta haci na Hulanda, kico nan ta haci na Corsou y pa asina tambe por siña di nan, segun Gino Goeloe.