Director di Wit Gele Kruis, Sr. Gino Goeloe ta splica cu e programa di educacion sexual ta un proyecto cu tabata pendiente ya pa basta aña. E ta amplia mas riba esaki.
Tres aña pasa caba a acerca tur partnernan den Regio, pa papia over di e tema delicado di sexualidad cerca nos hobennan. Na 2013 Wit Gele Kruis a organisa 5 dia di congreso, caminda tur e profesionalnan di Hulanda, Corsou, Bonaire y St. Maarten a papia di nan programa cu nan ta duna nan muchanan na nan pais y akinan esunnan di Aruba a bay sinta cu profesionalnan na Aruba. A tuma e decision cu lo bay kies e tema di Corsou cu ta draai ya pa 5 aña na Corsou cu ta “Biba Amor”.
Esaki ta un programa cu ta draai ya pa 5 aña caba na Corsou y ta dunando su frutonan. Na Aruba a dicidi di haci’e den 5 y 6e klas y esey ta e unico cambio cu a keda haci. E cambio di curpa cerca e hobenan ya ta cuminsa den 5 y 6de klas. Hormonen ta cambia y stem ta cambia cerca mucha muhe y mucha homber. Mester educa e mucha kico ta pasa cu su curpa y e conoce su curpa tambe. P’esey ta bin cu e programa aki, prome ta hinca esaki den e scolnan. Desde a ña pasa tin e programa den 5 pilotscolnan y awo ta bin 5 scolnan basico mas acerca.
A bay pensa di haci esaki tambe online. Awendia medionan social cu tur hende ta bishita y websitenan y p’esey a dicidi di bay all out online. Y den e caso aki, Wit Gele Kruis a pidi e donacion aki, e proyecto a wordo entrega na Unesco y a haya placa pa e proyecto aki., di manera cu por a lansa e proyecto aki, ayera tardi na MFA, na Paradera cu tur e partnernan cu a coopera cu e proyecto, SKOA, Fundacion pa Nos Muchanan, Bureau Sostenemi, Telefon pa Hubentud, Tienda di Educacion. Dus tur fundacion cu tin de haber cu e muchanan.
E programa ya ta online riba www.witgelekruis.org. Bishita e website y eynan ta tag e parti di educacion sexual y eynan ta haya Sr. Dammon di Corsou, cu ta papia cu e mayornan. E tema seuxalidad ta algo hopi delicado y awo ta haya na cas, tras di computer por wordo educa pa cu e temanan cu tin pregunta ariba dje. E parti di cambio di curpa cerca e yiu e parti tambe di norma y balornan cerca bo yiu. E parti caminda e comunicacion entre mayor cu yiu tambe ta wordo splica amplio ariba e website di Wit Gele Kruis.