Despues di 10 dia basta intensivo di Beach Tennis riba Eagle Beach, e deporte cu mas ta creciendo rond di mundo, Aruba Beach Tennis ta anuncia na henter Aruba cu e “Winter League” ta cla pa cuminsa dialuna awo, 5 December 2016 na Tropicana Club
Durante henter aña Aruba Beach Tennis ta organisa un liga cu ta dura mas of menos 2 luna y mey. E wega nan ta tuma luga dependiendo den ki categoria bo ta inscribi bo mes. Pa splica un tiki, dialuna tin singles, diamars ta “ladies only” dus tin e weganan di ladies doubles. Diaranson tin e weganan di mix doubles y diahuebs tin men’s doubles. E weganan ta cuminsa pa 5or di atardi y e ultimo riba schema ta cuminsa 9or di anochi.
Dialuna awo, 5 December, e “winter league” ta cla pa cuminsa. Ya por conta cu basta ekipo cu ya a registra cu un total di mas of menos 150 ekipo y mas cu 400 participante. Esaki lo termina te den Maart 2017
Aruba Beach Tennis kier a informa tur hende cu ainda kier participa den e liga cu ta pa inscribi awe ainda. Por haci esaki den tur nivel: fun, intermediate, advanced y pro. Si bo no ta sigur y kier sigui train of pasa pa purba kico ta pa por practica Beach Tennis, nos ta invita bo pasa na Tropicana Beach Tennis Club (banda di La Cabana). Pa mas informacion tambe por bishita e website www.beachtennisaruba.com