Tecnologia: E aplicacion di mensaheria instantaneo mas uza na mundo, Whatsapp, diabierna a presenta varios problema den nan servicio. Usarionan di diferente parti di mundo a raporta problemanan a trabes di e rednan social.
En concreto, e principal areanan afecta tabata Sureste di Asia y algun pais Europeo, manera Alemania, Francia y Spaña. Di mes manera algun problema a wordo raporta tambe na Merca, Mexico y Rusia.
Te ainda e compania no a emiti ningun comunicado oficial a traves di su cuenta oficial di servicio riba rednan social. E motibonan di e fayonan tecnico cual a pone e aplicacion aki cay afo, no ta conoci.
Na Mei, WhatsApp a sufri di un apagon global pa varios hora prome cu e servicio a wordo restaura.
E sistema di mensaheria tin mas di 1.2 biyon usuario rond mundo y ta un aplicacion esencial pa comunicacion y comercio den varios pais. E servicio a wordo cumpra pa Facebook na 2014 pa 19 biyon dollar.
Mester bisa cu e biaha aki na e sistema di whatsapp a traha normalmente na Aruba.