LISBOA, Portugal- E Web Summit a keda inaugura oficialmente cu’n yamado general pa preveni e efecto peligroso di e imparabel avance di tecnologia, aspecto riba cual e secretario general di ONU, Antonio Guterres y e cientifico Stephen Hawking a adverti caba.
E gala di apertura, unda cu Paddy Cosgrave a yena e Altice Arena di e capital Portugues caminda cu dos tema principal lo resona: Inteligencia Artificial (IA) y e peligernan di tecnologia.
E advertencia mas explicito tabata precisamente uno no spera, caminda cu e cientifico Stephen Hawking cu a duna un intervencion di sorpresa, pa medio di un video unda cu el a sostene cu e revolucion manera e yegada di IA por ta “lo miho of lo pio” cu por pasa e “rasa humano”, aunke cu el a bisa di ta optimista.
El a lansa tambe un advertencia cla den direccion di Guterres, afirmando cu, aunke cu globalisacion bon, ya cu el a mehora e calidad di bida y a logra avancenan importante, ta existi dañonan colateral, manera e cambio climatico y e desigualdad creciente.
El a haci un yamado na tur esunnan presente na e Web Summit, pa cuminsa discuti seriamente e impactonan di e revolucion aki den e sociedad di mañan.
Tecnologia su impacto ta apenas cuminsando, pero na mes momento ta pasando cosnan cu ta hopi, hopi preocupante.
Un idea cu a destaca tambe den e intervencion e hefe di e delegacion Europeo di Competencia, Margrethe Vestager, cu a comenta: “Nos a wak e potencial di tecnologia, awo nos ta wak e miedo”.
Fuente: https://www.efe.com