Sr. Gregory Fung a Fat di Antilla Energy ta splica cu pa añanan caba ta trahando riba e uzo di biodiesel y asina WEB Aruba NV por uza un sistema mas limpi.
Pa varios aña caba, WEB a sinta cu diferente compania manera Arubus, AAA y WEB cu a haci prueba di e biodiesel, pero nada mas a wordo haci. E biodiesel aki ta uno traha localmente, ta miho pa medio ambiente y ta yuda pa cu e desperdicio cu Aruba tin, pues e biodiesel ta wordo traha di tur e desperdicionan cu tin. Tin falta di interes di parti di companianan local pa cu e proyecto aki cu sr. Fung a Fat ta mustra cu ta uno beneficioso pa futuro di Aruba su medio ambiente. Y mientras otro paisnan si a actua riba tur e estudio y pruebanan haci, Aruba ta keda uno cu laga oportunidadnan manera esun di biodiesel na banda.
Sr. Fung a Fat ta splica cu biodiesel no ta mas barata cu fuel oil, pero e ta sinti cu e companianan mester wak e beneficionan cu lo tin den termino largo compara cu si sigui uza e fuel oil cu lo sigui daña e medio ambiente. Pero nada a sali di e MOUnan cu e wordo firma cu Arubus, AAA y Gobierno.