Sr. Luis Oduber di WEB Aruba NV ta comenta riba aparatonan cu e compania lo uza pa midi e desaroyonan di e huma di WEB pa 1 aña largo y asina monitorea e progreso di esaki.
Sr. Oduber ta splica cu ta evaluando un instalacion nobo di motornan recip. Na momento cu e keda cla, lo bay over na switch e boilernan cu ta e causa mayor di e humanan y lo bay reduci esaki grandemente. E proyecto ta uno di termino medio, pasobra e tin un duracion di mas o menos 1 aña y mey. Ta spera cu den e siguiente lunanan por firma contract y procede na pone e motornan den servicio. Tur esaki lo yuda den eficiencia di WEB reduciendo e consumo di fuel oil cu mas o menos 800 pa 850 bari adicional. E siguiente paso pa termino largo ta pa bay riba gas natural. Tin un ekipo trahando pa mira con ta bay realisa e proyecto aki. Ta di spera cu ora esaki logra, tur e humanan lo desaparece y e problema por pasa pa pasado.
Locual ta importante, segun sr. Oduber, ta pa determina den e siguiente dianan con WEB lo bay carga e gastonan imprevisto di fuel oil den termino largo y den e siguiente lunanan mester tin claridad pa tuma un decision corecto.