WEB Aruba NV ta avisa e pueblo di Noord completo, cu diahuebs, diabierna y diasabra 17, 18 y 19 di Augustus lo saca e tanki di Altovista for di servicio pa haci algun control di presion. Esaki ta conta pa e barionan di Altovista, Camay, Eagle, Boegoeroei, Sero Pela, Kurimiauw, Bubali, Cunucu Abou, Pos Abou, Washington, Palm Beach y Salinja Cerca.
Consecuentemente e regulacion di e presion di awa pa e barionan lo sosode cu ayudo di pompnan. No ta premira cu habitantenan lo sinti un diferencia grandi den presion di awa durante e periodo di trabou. En caso cu cliente toch nota un cambio drastico, por fabor notifica nos Call Center na tel. 525-4200. Nos ta haci nos maximo esfuerso pa limita e inconveniencia pa habitantenan y ta gradici di antemano pa e comprension.