Ciudad di Washington DC ta cla pa e toma di posesion di Donald Trump, president nr. 45 di Merca.
Esaki lo ta e toma di posesion nr. 58 den historia di Merca y Mike Pence lo ta Vice- Presidente nr. 48.
Ta wordo calcula cu 900 mil persona lo asisti na e ceremonia y actividadnan liga na e evento. Siguridad lo ta un di e prioridadnan di mas halto di e dia aki.
Cerca di 28 mil miembro di Secret Service, di Administracion di Siguridad di Transport, FBI, Park Police, Coast Guard y polis local di Washington y full Merca lo wordo desplega den henter e ciudad pa reforsa siguridad.