Warda Costa ta detene trinta ilegal cerca di Corsou

0

Warda Costa di Caribe Hulandes, diasabra den oranan di marduga di 23 di December ta detene 30 persona illegal pazuid di Daaibooibaai, Corsou.

E radaroperator di e Reddings- en Coordinatie Centrum di Warda Costa ta detecta un contacto sospechoso pazuid di Daaibooibaai, Corsou. E Super- RHIB di e steunpunt di Corsou a wordo manda pa bay haci investigacion. Pazuid di Daaibooibaai nan ta topa cu un embarcacion tipo Yola. Tripulacion di e Super RHIB a aborda e embarcacion aki. Tabata tin un total di trinta (30) persona a bordo, di cual 25 hende homber y 5 hende muhe. Den un intento pa hiba e Yola pa steunpunt di Parera, e embarcacion a hayƩ cu problema cu motor. Na prome instante a pasa esunnan abordo pa e Super RHIB y un di dos Super RHIB tambe a bin duna asistencia pa asina transporta e detenidonan pa steunpunt Parera.
Durante investigacion autoridadnan a bin encontra un gran cantidad di droga tambe a abordo di e embarcacion. E trinta (30) personanan a bordo, tur di nacionalidad Venezolano a wordo entrega na polis. E droga a wordo tuma den beslag pa autoridadnan. E caso ta bou investigacion.