Radar di e steunpunt Aruba di Warda Costa di Caribe Hulandes a detecta den oranan di marduga un contacto sospecho na costa noord di Aruba. Un RHIB di e steunpunt y un patruya terestre a ser dirigi pa e locacion. Tambe a pidi asistencia di Cuerpo Policial di Aruba (KPA). Door cu e lancha no tabata visibel ariba lama, a dicidi di cuminsa un buskeda na e costa noord di Aruba, pa cual a pidi asistencia tambe di e helicopter di Warda Costa.
Den oranan trempan di mainta polis a logra detene cuater (4 persona). Y mas laat den oranan di mainta na a bolbe logra gara tres (3) persona mas. Ta trata aki di personanan indocumenta, di nacionalidad Venezolano cu tabata purba drenta Aruba di manera ilegal.
Nan a wordo pasa pa Warda Nos Costa. Mas laat Warda Costa di Caribe Hulandes a bin haya e lancha na Boca Keto. E caso ta bou di investigacion.