Warda Costa di Caribe Hulandes (KWCARIB) dialuna anochi a intercepta un cargamento di substancianan prohibi riba un embarcacion procedente di Venezuela. A detene 6 persona den e caso aki.
E operador di radar di e Centro di Rescate y Coordinacion (RCC) di Warda Costa di Caribe Hulandes den e oranan di anochi un punto sospechoso pazuid di Cabo Santa Maria. Un Super RHIB di steunpunt di Corsou a wordo manda mesora pa area. Na momento cu e personanan abordo di e embarcacion a wak e Super RHIB acerca, nan a tira dos bulto na awa, pero esakinan a wordo saca di biaha for di awa door di personal di Warda Costa di Caribe Hulandes.
E embarcacion, tipo ‘yola’ a wordo intercepta y trece tera na e steunpunt na Parera. Den e dos bultonan tabata tin cuater pakete cu substancianan prohibi. E seis personanan abordo, tur di nacionalidad Venezolano, a wordo deteni y hunto cu e cargamento a wordo entrega na Cuerpo Policial di Corsou.
E boto a wordo tuma den beslag y e caso ta bou di investigacion.