Willemstad, CORSOU- Warda Costa di Caribe Hulandes (KWCARIB) den colaboracion cu Cuerpo Policial di Corsou (KOC) dia 23 di Maart 2017 ta detene 17 persona ilegal riba un embarcacion cu tabata purbando di yega tera firme na un manera ilegal.
Banda di 9 or y mei di anochi, radar di Centro di Coordinacion y Rescate di Warda Costa ta detecta algo sospechoso banda pazuid di Corsou. E cutter di Warda Costa Jaguar cu na e momento ey tabata patruyando, a bay directamente na e sitio indica. Entre Spaanse Water y Fuikbaai, Warda Costa ta topa cu un embaracion cu lusnan paga yena cu pasahero. Esakinan a wordo hiba di biaha pa steunpunt Parera. Durante investigacion a haya un total di 17 persona, un persona femenino y 16 masculino, cu tabata purbando di drenta Corsou di manera ilegal. Tur tabata Venezolano. E embaracion a wordo tuma den beslag y e pasahero y tripulantenan a wordo entrega na KPC, cu hunto cu Warda Costa lo sigui investiga e caso.